Thursday, 24 March 2011

The Little Prince: an experiment in Inuktitut in 27 parts - Chapter 1

I'm trying an experiment here. I've always wanted to translate Antoine de Saint Exupéry's, The Little Prince, ever since I first read it. I wanted to translate it for my father who was a devout Christian Inuk. But over the years, he grew old and died before I went about to translating the book. I still think about translating Saint Exupéry but this time for a broader Inuit audience and, especially, for my granddaughter, Erica.


The Little Prince is not just a children's book: it is a modern parable about the modern world as told through a narrative style of a children's book. As a classical parable, it uses character/personality archetypes without judgement or prejudice but plainly and with a touch of innocent irony, through child-like eyes.


I'm deliberately using ICI Roman Orthography to demonstrate an alternative pedagogical style than using syllabics. Though it may take a bit of getting use to, this orthography is much easier to learn how to sight-read and allows for an easier transition from Inuktitut to English instruction, an already difficult juncture that Nunavut's children are expected to take without missing their stride.


This story is not just for children. It is a reminder, an appeal to us bigger ones to remember that "All grown-ups were once children-- although few of them remember it."


I hope that my Inuktitut-speaking readership enjoys the story. For those who do not read Inuktitut, I got the original from this link: http://home.pacific.net.hk/~rebylee/text/prince/contents.html


Now, I don't know whether this is public domain or whether I'm breaking copy-right laws by translating the book without permission. If I am inadvertantly breaking the law, do not be surpirsed if I suddenly discontinue the installments.
________________________________________________________________________


Ataniarjuk
titiraqatausimajuq amma titiraujaqtausimajuq Antoine de Saint Exupéry-mut

Turaaqtitaq



LEON WERTH-mut

Isumagijunnairviujumavunga surusinut uuvinga uqalimaaqtunut turaaqtittijumagama taapsuminga uqalimagarmik innarmut. Taimaak pijjutiqallarikkama: piqannarilaarigakku silarjualimaami. Asianiktauq pijjutiqarivunga: taanna innaq kisulimaanik tukisiangmat, aglaalluunniit surusinut uqalimaagarnik. Pingajuannittauq pijutiqarivunga: France-miutangmat tauvanilu kaaqattaqpuq qiuvaktunilu. Alianaigusuktigumagakku taimaak. Taakkua pijutikka naammanngippata suli, taanna uqalimaagaq turaaqtigumavara surusiunirilauqtanganut taapsuma innaup. Innalimaat surusiulauqsimajuinnaungmata – ilangit iqqaumanngikkaluaqpata. Taimaimmat turaaqtittinira aaqqigiaqpara:

LEON WERTH-mut
NUKAPPIANGULAUQSIMANINGANUT
________________________________________

Qulaap 1



 
6-nik ukiuqaliqtunga takulauqsimavunga ajjinnguarmik qimirruagarmit taijaujumik, Sulijut Unikkaat Silarjuamit, napaaqtulingnik unikkaaqtunik. Taanna ajjinnguaq iluliqalauqpuq qullugiannguamik iisinasunnguaqtumik nirjutimik. Uvva ajjinga taipsuma titiraujaqsimajuup.

Taikani uqalimaagarmi titiraqsimalauqpuq: “Qullugiat iisisuunguvut angujaminnik iluittuullugit, tamuanagit. Tavva iisilauqtutik aulajjagunnaillisuunguvut, amma sinilisuunguvut 6-nik taqqinik nirijangit nungunnasungninginnik.”

Tamanna isumagimmarilauqpara, ammalu kinguniagut, isumalilauqpunga quvianarajarninganik napaaqtulingmiillunga. Ammattauq titiraujammarilauqtunga amiarutimut ajjinngualiuriulauqtunga sivulliqpaamik. Titiraujaqtara taanna sivulliqpaaq. Imailingalauqtuq titiraujaqtara:


Taanna titiraujariurutiga takujautiqattalauqpara innarnut, amma apiriivaktugit taapsuminga kappiasungmangaata.

Kisianili kiuqattalauqpuq: “Kappiasukpunga? Qanuimmattauq nasannguarmik kappiasukkajaqpunga?”

Taanna titiraujaqtara nasannguangunngilaq. Unali qullugiannguaq alipamik iisisimannguaqtuq. Kisianili innarnut tukisijaujunnanngimmat, asinganik titiraujalilaurivunga: titiraujalauqpunga qullugiannguap iluanik, innaiit tukisittiarniarmata tamatuminga. Innait uqajjaunginnariaqarmata sunalimaanik. Titirajaqtama aippanga imaittuulauqpuq:


Taimali innait imaak kiuqattalilauqpuq, taakkua titiraujaqtakka qullugiannguat, silatigigaluaqpagit ilulirigaluaqpagit, qujanaarlugit, ilinniangaalirlangaguuq nunanngualirinirmik, unikkaaliangusimajunik, naasausirinirmik amma uqausilirinirmik. Taimaimmat, 6-nik ukiuqaqtunga, nuqqaujjililauqpunga pinasugunnarajalauqtannik titiraujaqtiulunga innannguruma. Sapilililauqtunga tukisijaujunnanngimmatiik titiraujaqtaakkak sivulliq amma aippanga. Innaiit makua namminiq tukigunnanngittut, amma iqianaqpuq surusiulluni uqajjiinginnaalugianga sunatuinnait tukinginnik.

Taimaimmat nirualilauqpunga iqqanaijaaksamik, amma ilinnialilauqpunga qangatasuumik aqunnirmik. Tavva qangatasimaliqpunga namuruluujaaluk; amma sulivuq nunanngualirinirmik ilinnialauuqtakka aturniqaliqput. Takutuinnarlunga qaujijunnaqpara nalliat China-ngungmangaat nalliat Arizona-ngungmangaat. Tavva asiuqqaluni unnuakkut, taimaak qaujimajarianga piummarikpuq.

Taimaak piruqpalliallunga amisunik qaujiqattaqsimavunga inungnik pimmarialungnik isumagijaqaqtunik. Akuni inuusimaliqpunga innait qaujimallugit. Qaujisimavakka qanigillugit kikkuungmangaata. Amma taimaikkaluarmat piugiliqpaalliqsimanngilakka suli.

Taimangalimaaq qaujijaraangama kinatuinnarmik taututtiaqquujijumik, qaujinasuaqpakpunga tukisiniarmangaat titiraujaqsimajannik sivulliqpaamik, tainna pisimaujainnarakku suli. Qaujisaqattarama, taimaippat, taanna inuk tukisiattiarmangaat. Kisianili, kinaugaluaqpat, imaak kiungujainnaqpuq:

“Una nasannguaq.”

Taimaak kiujaraangata nillirvigivanngilakka qullugiat, napaaqtukkuviit amma ulluriat miksaanik. Taimaak uqautinasukkaluarlugit suvalikianguvuq. Tavvali uqaqatigiliqpakpakka mikittarnirmik, innait pinnguarusinginnik, gavamalirinirmik, amma qungasirurnik. Taimaittaraangama tavva innarnut quviagijauvakpunga isumajunnattiarnira pillugu.

________________________________________________
-next installment: Chapter 2.

Ps. if you notice any typos in the text (or can suggest a better translation of the sections) I'd appreciate it if you let me know so I can make corrections...

Thank you,

Jay

1 comment: